«Бакалавр» немесе «магистр» дәрежелері берілетін жоғары немесе жоғары оқу орнынан кейінгі білім алуға ақы төлеу үшін білім беру грантын беру қағидаларын бекіту туралы» Қазақстан Республикасы Ғылым және жоғары білім министрінің міндетін атқарушының 2023 жылғы 25 тамыздағы № 443 бұйрығына өзгерістер енгізу туралы
Қазақстан Республикасы Ғылым және жоғары білім министрінің 2026 жылғы 23 сәуірдегі № 210 бұйрығы
БҰЙЫРАМЫН:
1. «Бакалавр» немесе «магистр» дәрежелері берілетін жоғары немесе жоғары оқу орнынан кейінгі білім алуға ақы төлеу үшін білім беру грантын беру қағидаларын бекіту туралы» Қазақстан Республикасы Ғылым және жоғары білім министрінің міндетін атқарушының 2023 жылғы 25 тамыздағы № 443 бұйрығына (Нормативтік құқықтық актілерді мемлекеттік тіркеу тізілімінде № 33345 болып тіркелген) мынадай өзгерістер енгізілсін:
көрсетілген бұйрықпен бекітілген «Бакалавр» немесе «магистр» дәрежелері берілетін жоғары немесе жоғары оқу орнынан кейінгі білім алуға ақы төлеу үшін білім беру грантын беру қағидаларында:
1-тармақтың үшінші, төртінші абзацтары 2026 ж. 12 шілдеден бастап қолданысқа енгізіледі
4-тармақтың бесінші бөлігі мынадай редакцияда жазылсын:
«Мерзімдердің өзгеруі туралы ақпарат ғылым және жоғары білім саласындағы уәкілетті органның ресми интернет-ресурсында, бұқаралық ақпарат құралдарында, «цифрлық үкімет» веб-порталының тиісті құрамдастарында шектеу іс-шаралары енгізілген күннен бастап 5 жұмыс күні ішінде жарияланады.»;
5-тармақтың сегізінші және тоғызыншы бөліктері мынадай редакцияда жазылсын:
«Жоғары білімі бар кадрларды даярлауға арналған, оның ішінде батыс, халық тығыз орналасқан және жаңадан құрылған өңірлерден келген жастарды жетекші жоғары және (немесе) жоғары оқу орнынан кейінгі білім беру ұйымдарында (бұдан әрі - ЖЖОКБҰ) оқыту үшін мемлекеттік білім беру тапсырысының көлемін көрсете отырып, ЖЖОКБҰ тізбесін «Білім туралы» Қазақстан Республикасы Заңының 5-3-бабының 7-3) тармақшасына сәйкес жүргізілген ЖЖОКБҰ саралау нәтижелерін ескере отырып Республикалық комиссия айқындайды.